ئاگری دارستانێكی قەزای ماناڤگات كۆنترۆڵ كرا

ئانتالیا – AA

له‌ ئاسمان و زه‌وییه‌وه‌ هه‌وڵی دامركاندنه‌وه‌ی ئه‌و ئاگره‌ ده‌درێت كه‌ دارستانێکی قه‌زای ماناڤگات سەربە پارێزگای ئانتالیای گرتووه‌ته‌وه‌.

ئاگر له‌ دارستانی ناوچه‌ی یایڵائاڵان كه‌وته‌وه‌.

دوای ئاگاداركردنه‌وه‌یان، تیمه‌ په‌یوه‌ندیداره‌كان ره‌وانه‌ی ناوچه‌كه‌ كران.

له‌ رێگای به‌كارهێنانی دوو هێلیكۆپته‌ر، یه‌ك فڕۆكه‌ و ژماره‌یه‌ك ئۆتۆمبێلی ئاوپڕژێن تواندرا به‌رله‌ ته‌شه‌نه‌سه‌ندنی ئاگره‌كه‌ بگیرێت و دابمركێندرێته‌وه‌.

كاره‌كانی ساردكردنه‌وه‌ له‌ ناوچه‌كه‌ به‌رده‌وامن.