گیانلەدەستدانی دوو سەربازی سوپای تورکیا

ئەنقەرە - AA

لە ئاکامی ھێرشی چەکدارانی رێکخراوی تیرۆریستی پەکەکە بۆ سەر سوپای تورکیا ، دوو سەربازی تورکیا گیانیان لەدەستدا و سەربازێک بە سەختی برینداربوو.

بەپێی ئەو راگەیەنراوە نووسراوەی لە سەرۆکایەتی ئەرکانی سوپای تورکیا بڵاوکراوەتەوە، " ئەمڕۆ لە چوارچێوەی کارەکانی دروستکردنی رێگا لە نزیک سنووری عێراق، چەکدارانی تیرۆریستی پەکەکە ھێرشیان کردووەتە سەر ئامێری کارکردن لە ناوچەکەدا".

لە ئاکامی ھێرشەکە دوو سەربازی سوپای تورکیا گیانیان لەدەستداوە و سەربازێکیش برینداربووە.

لە راگەیەنراوەکەدا زیاتر ئاماژە بەوە کراوە کە ئۆپەراسیۆنەکانی سوپای تورکیا لە بەرەنگاربوونەوەی تیرۆر بە پێداگرییەوە بەردەوام دەبێت.