"هیچ پاساوێك نییە بۆ درێژنەكردنەوەی رێككەوتنی كەمكردنەوەی بەرهەمهێنانی نەوت"

ئەبو زەبی ــ AA

وەزیری نەوتی بەحرێن، محەمەد بن خەلیفە ئالخەلیفە رایگەیاند كە هیچ پاساوێك نییە بۆ درێژنەكردنەوەی رێككەوتنی كەمكردنەوەی بەرهەمهێنانی نەوت لە كۆبوونەوەی وڵاتانی ئەندام لە رێكخراوی ئۆپێك كە لە كۆتایی ئەم مانگە بەڕێوەدەچێت.

لە پەراوێزی كۆنگرەی ئەبو زەبی بۆ پترۆڵ (ئەدەیبیك) كە لە شاری ئەبو زەبی پایتەختی ئیمارات بەڕێوەدەچێت، محەمەد بن خەلیفە ئال خەلیفە گوتی: "هیچ پاساوێك نییە بۆ درێژنەكردنەوەی رێككەوتنی كەمكرنەوەی بەرهەمهێنانی نەوت لە كۆبوونەوەكەی داهاتووی ئۆپێك".

لە كۆتایی ئەم مانگەدا وڵاتانی ئەندام لە رێكخراوی ئۆپێك لە شاری ڤیەننای پایتەختی نەمسا كۆدەبنەوە و دەرئەنجامەكانی رێككەوتنی كەمكردنەوەی بەرهەمهێنانی نەوت تاوتوێ‌ دەكەن و هەروەها بڕیار لەسەر درێژكردنەوە یان درێژنەكردنەوەی رێككەوتنەكە دەدەن.