نرخی بەرمیلێک نەوتی خاوی برێنت گەیشتە ٧٩ دۆلار و ٤١ سەنت

ئیستانبوڵ - AA

بەرمیلێک نەوتی خاوی برێنت لە بازاڕەکانی جیهاندا بە ٧٩ دۆلار و ٤١ سەنت مامەڵەی پێوەدەکرێت.

دوێنێ نرخی بەرمیلێک نەوت گەیشتە ٧٩ دۆلار و ٦٦ سەنت و رۆژەکەی بە ٧٩ دۆلار و ٥٣ سەنت تەواو کرد.

کاتژمیر ٠٩:٥٥ی بەیانی ئەمڕۆ نرخەکان بە رێژەی سەدا ٠،١٥ دابەزینیان بەخۆوەبینی و بەرمیلێک خاوی برێنت بە ٧٩ دۆلار و ٤١ سەنت فرۆشرایە کڕیاران.

لە هەمان کاتدا بەرمیلێک نەوتی رۆژئاوای تەکساس بە ٧٦ دۆلار و ٨٦ سەنت مامەڵەی پێوەکرا.

کاریگەرییەکانی شەپۆلی ئۆمیکرۆنی ڤایرۆسی کۆرۆنا، لەسەر ئابووری جیهان یەکێکە لە هۆکارەکانی دابەزینی نرخی نەوت.

هەروەها تۆمار کردنی بەرزترین ژمارەی حاڵەتی توشبوون بە کۆرۆنا لە هەندێک وڵاتی جیهان و دووبارە گرتنەوەبەری رێوشوێنەکانی خۆپارێزی، هۆکارێکی دیکەی کەمبوونەوەی خواستە لەسەر ئەو سوتەمەنییە.

لە ئێستاشدا چاوەکان لەسەر کۆبوونەوەی رێکخراوی وڵاتانی هەناردەکاری نەوت (ئۆپیک) و وڵاتانی دەرەوەی رێکخراوەکە (ئۆپیک+)ن کە بڕیارە لە چواری کانوونی دووەمدا کۆبوونەوەیەک ساز بکەن و تیایدا بڕیار لەسەر ئاستی بەرهەمهێنانی نەوت لە مانگی شوباتدا بدەن.