خاوی برێنت بە ٧٨ دۆلار مامەڵەی پێوە دەکرێت

نەوتی خاوی برێنت لە بازاڕەکانی جیھاندا دابەزینی تۆمار کرد و یەک بەرمیل بە ٧٨ دۆلار و نۆ سەنت مامەڵەی پێوە دەکرێت.

ئەمڕۆ پێنجشەممە، نرخی خاوی برێنت لە بازاڕەکانی جیھاندا بەڕێژەی دوو لە سەدا، دابەزینی تۆمار کرد و یەک بەرمیل بە ٧٨ دۆلار و نۆ سەنت مامەڵەی پێوە دەکرێت.

ھەروەھا بە ھەمان شێوە، ھەر ئەمڕۆ، نەوتی خاوی رۆژئاوای تێکساس لە بازاڕەکانی جیھاندا بەڕێژەی ٢،٢ لە سەدا دابەزینی تۆمار کرد و یەک بەرمیل بە ٧٥ دۆلار مامەڵەی پێوە دەکرێت.

ھۆکاری دابەزینی نرخی نەوتی برێنت و خاوی ڕۆژئاوای تێکساس، بۆ ڕاگەیاندنی واژووکردنی یادشتنامەی لێکتێگەیشتنی نێوان واشنتۆن و تاران بۆ کۆتاییھێنان بە جەنگ دەگەڕێتەوە.

دوێنێ چوارشەممە، پاکستان ڕایگەیاندبوو کە ئەمریکا و ئێران بەشێوەیەکی ئەلیکترۆنی "یاداشتنامەی ئیسلام ئاباد"یان بۆ کۆتاییھێنان بە جەنگی نێوانیان واژوو کردووە.