جيهان, ئابووری

جامی جیهانی.. گه‌شتیاره‌ بیانیه‌كان 1،5 ملیار دۆلاریان خه‌رجكردووه‌

- به‌پێی توێژینه‌وه‌یه‌كی Sberbankی رووسی، ئه‌و گه‌شتیاره‌ بیانیانه‌ی به‌درێژایی جامی جیهانی فیفا 2018 روویان له‌ رووسیا كردووه‌ نزیكه‌ی 1،5 ملیار دۆلاریان له‌و وڵاته‌دا خه‌رجكردووه‌.

Emre Gürkan Abay  | 18.07.2018 - نوێکردنەوە : 21.07.2018
جامی جیهانی.. گه‌شتیاره‌ بیانیه‌كان 1،5 ملیار دۆلاریان خه‌رجكردووه‌

Moskova

مۆسكۆ - AA

ئه‌و گه‌شتیاره‌ بیانیانه‌ی به‌درێژایی جامی جیهانی فیفا 2018 روویان له‌ رووسیا كردووه‌ نزیكه‌ی 1،5 ملیار دۆلاریان له‌و وڵاته‌دا خه‌رجكردووه‌.

به‌پێی توێژینه‌وه‌یه‌ك كه‌ له‌ لایه‌ن Sberbankی رووسیه‌وه‌ بڵاوكراوه‌ته‌وه‌، ئاماژه‌ به‌وه‌ كراوه‌ كه‌ ئه‌و گه‌شتیاره‌ بیانیانه‌ی به‌درێژایی جامی جیهانی فیفا 2018 روویان له‌ رووسیا كردووه‌ نزیكه‌ی 1،5 ملیار دۆلاریان له‌و وڵاته‌دا خه‌رجكردووه‌.

هه‌روه‌ها له‌ هه‌مان قۆناغی ساڵی رابردوودا له‌ میانی به‌ڕێوه‌چوونی كۆنفیدراسیۆنه‌كانی فیفای 2017دا له‌ رووسیا، ئه‌و گه‌شتیاره‌ بیانیانه‌ی له‌و ماوه‌یه‌دا سه‌ردانی ئه‌و وڵاته‌یان كردووه‌ نزیكه‌ی 700 ملیۆن دۆلاریان خه‌رجكردووه‌، به‌درێژایی پاڵه‌وانێتیه‌كه‌ گه‌شتیاره‌ بیانیه‌كان زۆرترین سه‌ردانیان بۆ شوێنه‌ گشتییه‌كانی مۆسكۆ بووه‌ له‌ شه‌قامی نیكۆلسكایا كه‌ داهاتی شوێنكاره‌كانی ئه‌وێ به‌راورد به‌ پێش پاڵه‌وانێتیه‌كه‌ نزیكه‌ی سێ هێنده‌ و نیو زیادیكردووه‌ و گه‌یشتووه‌ته‌ چوار ملیۆن دۆلار.

له‌ توێژینه‌وه‌كه‌دا خه‌رجی بلیت و ئه‌و هۆتێلانه‌ی کە گه‌شتیاره‌ بیانیه‌كان لێیماونه‌ته‌وه‌ ئاماژه‌ی پێنه‌كراوه‌.

پێشبینی ده‌كرێت ژماره‌ی ئه‌و گه‌شتیاره‌ بیانیانه‌ی له‌ میانی به‌ڕێوه‌چوونی یاریه‌كانی جامی جیهانی فیفا 2018دا سه‌ردانی شاره‌كانی مۆسكۆ، سانت پیتەرسبورگ، سۆچی، یكاترینبورگ، سارانسك، رۆستۆڤ، قازان، كالینینگراد، سامارا، ڤۆڵگۆگراد و نیجنی نۆڤگۆرۆد-یان كردووه‌ كه‌ یاریه‌كانی تیادا ئه‌نجامدراوه‌ له‌سه‌دا 15 زیادیكردووه‌، ژماره‌ی گه‌شتیارانی ناوخۆش له‌سه‌دا 20 بۆ 25 زیادی كردووه‌.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın