Serokê Giştî yê Hak-Îşê Mahmut Arslan Wekîlê Midûrê Giştî yê Anadolu Agencyê (AA) Ebubekir Şahîn ziyaret kir.
Arslan der heqê ziyaretê de agahî da û got ku li AAyê hevdîtinên Peymana Kar ya Komî didomin û Alîkarê Midûrê Giştî Şahîn wek Wekîlê Midûrê Giştî hatiye peywirdarkirin, ji ber vê çendê wan jî wek kardêr Şahîn pîroz kir.
Arslan got ku hevdîtinên peymanê hatin asta dawiyê û ji Şahîn re got: "Em ê peymana komî di demeke kurt de bi dawî bikin da ku hêviyên xebatkaran pêk werin."
Arslan got ku Serokê Giştî yê Medya-Îşê Gursel Eser jî di hevdîtinê de bû û wiha axivî:
"Em dixwazin ku peyman wisa encamê bide ku ajans pê bigihêje hedefên sala 100emîn. Beriya niha navbera me û Kemal Ozturk xweş bû. Em heman helwestê di Ebubekir Şahîn de jî dibînin. Ez hêvî dikim ku peymana komî di nav çend rojan de encamê bide."
Wekîlê Midûrê Giştî yê AAyê Şahîn jî got ku Arslan ew pîroz kir. Şahîn bi bîr xist ku Sendîkaya Medya-Îşê girêdayî Hak-Îşê ye û got ku hindik ma hevdîtinên peymana komî biqedin û Arslan der heqê vê mijarê de agahî stend.
