Xebatên lêgerîna nûçegihanê AAyê cardin dest pê kir

Abdulkadîr Nîşanciyê nûçegihanê AAyê yê Bayburtê dema ku li ser Çiyayê Soganliyê yê navbera Bayburt û Trabzonê xebatên vekirina rê dişopand, li Çivên Derebaşiyê berfa bin lingê wî şiqitî û di zagê da ket. Xebatên lêgerîna Nîşanci cardin dest pê kir.

- Sola nûçegihanê AAyê Abdulkadîr Nîşancî hat dîtin

Ekîbên AFAD û UMKEyê yên Bayburt, Erzirom û Trabzonê, AKUTa Trabzonê, ekîbên noqav ên Midûriya Emniyeta Rîzeyê, tîmên Legerîn û Xelaskirinê yê Cendirmeyên Fermandariya Cendirmeya Erzirom û Rîzeyê, tîmên lêgerîn û xelaskirina binê avê û tîmên lêgerîn û xelaskirinê yên serê çiyê yên Fermandariya Asayîşa Taybet a Cendirmeyê, di sibeha roja 4emîn da xebatan didomînin.

Xebat ji aliyê Trabzon û Bayburtê va di nav kordînasyonê da tên kirin, tîmên lêgerîn û xelaskirina binê avê yên Fermandariya Asayîşa Taybet a Cendirmeyê û noqav, di robara binê newala teng da li Nîşanci digerin.

Ekîb wê îro li deverên ku kifş kirine, têkevin robarê û heta êvarê bixebitin.

Ji aliyekî din va hat ragihandin ku têlefona Abdulkadîr Nîşanci sînyalê nade.