Sibê Qendîla Beratê ye

Qendîla Beratê ya ku wek mizgîniya meha remezanê tê qebûlkirin wê sibê bê pîrozkirin.

Qendîla Beratê şeva 15emîn a meha şebanê ye, meha şebanê jî ji sê mehên pîroz ya duyemîn e ku di 23yê çileya paşîn da dest pê kiribû.

Li gor dînê Îslamê peyva beratê tê meneya xwe ji gunehan paqijkirin, paqijbûn, ji hêla Xwedê va efûbûn û rehmetê.

Endamê Lijneya Bilind ya Karên Dîn ya Serokatiya Karên Diyanetê Îdrîs Bozkurt ji nûçegihanê AAyê ra daxuyand ku Xwedê şeva beratê gelek kesan efû dike û divê meriv jî hewl bidin bên efûkirin.

Bozkurt got divê meriv dia bikin ku Xwedê xeta û gunehên wan efû bike, divê Qur'an bê xwendin, nimêj bê kirin û wiha dewam kir: "Niha em di heyama afatê da ne, rojên teng hene. Divê em ji rebbê xwe ra diayan bikin ku gelê me û alema Îslamê ji van tengasiyan xelas bibin."

Bozkurt got divê alîkariya erdhejzedeyên ku malê wan hilweşiyane bê kirin.