Li Erzirom, Qers, Agirî û Erdexanê sir û serma

ERZURUM (AA) - Li Erzirom, Qers, Agirî û Erdexanê ji ber sir û sermayê cemed çêbû.

Li Erziromê welatî ji ber sermayê tengasiyê dikişînin. Li bajêr camên wesayît û avahiyan qeşa girt û şadirvanên mizgeftan cemidîn.

Rê û peyarêyên bajêr cemed girtin, ekîbên Şaredariya Bajarê Mezin xoy reşandin.

- Erdexan

Li Erdexanê ji ber sermayê camên wesayît û avahiyan qeşa girtin.

Welatiya betanî û xalîçe avêtin ser wesayîtên xwe da ku necemidin.

Li tanga Çemê Kurayê û herêmê mij ket, di ser daran da jî qiravî ket.

- Qers

Li Qersê jî gol û çeman qeşa girt.

Ji ber sermayê wesayîtên welatiyan nexebitîn, hin kesan di binê depoyên wesayîtên xwe da agir vêxist da ku bihele û bixebitînin.

Muhammet Aliyê ajokar diyar kir ku hewa zehf sar bû û wiha axivî: "Wesayîta me cemidî ye, niha germahiya hewayê daketiye 20 pileyên binê sifirê û wesayît naxebite. Ji bo cemeda depoyê bihele me agir dada."

- Agirî

Li Agiriyê ji ber sermayê rûyê Çemê Muradê û çemê din qerisîn.

Bi doreneyê dîmenên çemên qerisî hatin kişandin.