Li Erzincanê otobusek qulibî şerempolê

Li Erzincanê li ser rêbeja Erzincan-Sêwasê li texma Sakaltutanê otobusek qulibî şerempolê kesek mir û 27 kes birîndar bûn.

Li ser îxbarê gelek ambulans, îtfaiye û ekîbên Rêveberiya Rewşa Acil û Afatê (AFAD) sewqî cihê bûyerê kirin.

Li rêbeja ku qeza lê çêbû, barîna berfê berdewam e.

Waliyê Erzincanê Hamza Aydogdu der barê qezaya otobusê da ji nûçegihanê AAyê ra got, "Wekî niha 4 birîndarên me hene, birîndar sewqî nexweşxaneyê hatin kirin. Hemî ekîbên tenduristî, lêgerîn û rizgarkirinê li cihê bûyerê ne. Ji Stenbolê cenaze dianîn û otobus qulibiye ser kêlekê."

Aydogdu destnîşan kir ku birîndar hemî gihandine nexweşxaneyan û got, "Di qezayê da 27 kes birîndar bûn. Rewşa ajovan giran e, yên din bi giştî hinekî baştir in. Şifaya lezgîn ji birîndaran ra dixwazim. Tevî hemî mercên neyênî yên hewayî ekîbên me di demeke kurt da gihiştin cihê bûyerê û midaxele kirin."