Dadgeha Temyîzê der heqê MHPyê da daxuyanî da

ANKARA

Hat ragihandin ku 18emîn Daîreya Hiqûqê ya Dadgeha Temyîzê dê di nava meha gulanê da lêkolîna xwe ya temyîzkirina biryara 12emîn Dadgeha Sulh û Hiqûqê ya Enqereyê ya der barê pêkanîna kongreya derasayî ya MHPyê da temam bike.

Li 18emîn Daîreya Hiqûqê ya Dadgeha Temyîzê agehdariyek bi panoya li korîdorê va kirin û tê da der barê dosyeya navborî da zanyarî hat dayîn.

Di daxuyaniyê da hat destnîşankirin ku pêşlêkolîna dosyeyê hat kirin û wiha hat gotin:

"Dosyeyê di meha gulanê da bête gotûbêjkirin û biryara hewceyê bête dayîn. Dema ku biryar derket, raya giştî dê bête agahdarkirin."