Iniesta, bû hevalê tîmê yê Podolski

ÎSTANBUL

Andres Iniestayê ku hemû kariyera xwe di Barcelonayê da dewam kir û ji fitbolîstên herî navdar ên fitbola Spaniyayê ye, transferî tîma Vissel Kobeyê ya Japonyayê bû.

Li gor daxuyaniya ku ji Kluba Vissel Kobeyê hat dayîn, wan bi fitbolîstê 34 salî ra li hev kir. Di daxuyaniyê da ji bo pereyê ku fitbolîst wê hilde tiştek nehat gotin.

Iniesta di tîma Barcelonayê da dest bi fitbolê kir, di tîma Ayê da derket 674 pêşbirkan û 32 kûpa qezenc kir. Fitbolîstê Spanî çend roj berê kelogirî ji Kulûba Barcelonayê xatir xwest. Iniesta di Barcelonayê da 9 kûpayên La Lîgayê, 4 kûpayên Lîga Şampiyonan a UEFAyê, 3 Kûpayên Super a UEFAyê, 3 Kûpayên Dinyayê ya Kulûbên FIFAyê, 6 Kûpayên Qral a Spaniyayê û 7 Kûpayên Super a Spaniyayê qezenc kir.

Iniesta û Lukas Podolskiyê ku demekê di Galatasarayê da dileyîst, bûn hevalbendên hev ên heman tîmê.