Dekanê berê yê 87 salî hê li fakulteyê dersê dide

ANKARA

Ji dekanên berê yên Zanîngeha Enqereyê, Fakulteya Zanistên Siyasalê Prof. Dr. Cevat Gerayê 87 salî nav hefteyê ji mala kal û pîran radibe û diçe zanîngehê da ku dersê bide. Geray dibêje ku ew heta bi xwe bawer be ku ji xwendekaran ra feyda wî wê çêbibe, ew ê bikeve dersê û ji kalên wek xwe ra jî pêşniyaz dike ku têkiliya xwe ji dinyayê qut nekin.

Pisporê bajarvaniyê, akademîsyen û nivîskar Prof. Dr. Geray di salên 1977-1982yan da li Zanîngeha Enqereyê di Fakulteya Zanistên Siyasalê da dekantî kiriye. Wê demê bûyerên xwendekaran pir bûne û Geray ji bo ku xwendekaran li hev bîne xebitiye û kirinên wî bûye mijara pirtûka bi navê "Dekanê Efsane".

Gerayê 87 salî vê gavê li mala kal û pîran dijî û li wê derê rojnameyan dixwîne, bi hevalên xwe ra sohbetê dike û li ser pirtûka xwe ya ku tê da nivîsên wî yên zanistî hene dixebite. Geray di nava hefteyê çend rojan jî li Zanîngeha Enqereyê, Fakulteya Zanistên Siyasalê dikeve dersên lîsans, master û doxtorayê.