Rewşa penaberên ji ber şerê navxweyî yê welatê xwe revîn û xwe sipartin welatên cîran ne baş e. Du malbatên sûriyeyî yên ji welatê xwe revîn û xwe sipartin Tirkiyeyê di konên ku bi derfetên xwe vegirtine ên ku 5 metrekare ne de dijîn. Malbateke ji 10 kesî û ya din jî ji 8 kesan pêk tê.
Malbata Huseyîn a ji 10 kesan pêk tê, piştî rêwîtiyeke dijwar hat Tirkiyeyê û li vir bi cih bû.
Hayyar Huseyîn (40), daxuyanî da nûçegihana AAyê got ku ew mecbûr man ji ber şerê navxweyî yên welêt birevin. Me mal û welatê xwe terk kir.
Huseyîn got ku ew digel malbata xwe hat li Reyhanliyê bi cih bû, li vir konekî 5 metrekare vegirt û di kon de dijîn. Huseyîn got ku zaroka wî ya herî biçûk yek salî ye û wiha axivî: "8 zarokên min hene, ya herî mezin 20 salî ye. Em li vir ber sar û sermayê dijîn. Şert û mercên em di nav de dijîn ne baş in. Em ji ber şer revîn, me canê xwe xilas kir lê şert û mercên jiyana me ne baş in. Li Sûriyeyê ez cotkar bûm; lê li vir karê min tuneye. Ez çi kar hebe dikim. Em debara xwe bi vî awayî dikin."
- Di konekî biçûk de 8 kes dijîn
Malbata Elî ya ku ji Hamayê hat jî di serî de sewsî bû.
Huseyîn Elî (50) jî got ku ew ji ber şerê navxweyî revîn hatin; lê jiyana di konan de zehf dijwar e û nizanin ku çi bikin.
Elî got ku wan konekî ku 5 metrekare vegirt û lê dijîn. Elî destnîşan kir ku malbata wan ji 8 kesan pêk tê û xanima wî ji bo şîvê çêke agir vêdixe û li derve şîvê çêdike.
Elî got ku kon germ nabe, ji ber vê yekê 6 zarokên min her tim nexweş dikevin û wiha dewam kir: "Em hêvî dikin ku di demeke kurt de şer bi dawî bibe û em vegerin welatê xwe."
