Mêşan dest bi çêkirina hingiv kirin

HAKKARİ

Li Şemdînliya navçeya Hekariyê mêşên hingiv ên ku di mehên zivistanê da ji ber sermayê di kewaran da ketin xewê, bi hatina biharê ra hişyar bûn û dest bi çêkirina "hingiv" kirin.

Mêşên ku piştî ji xewa zivistanê şiyar bûn, ji kewaran derketin û berê xwe dan kulîlkên ku teze vebûne.

Mêşên ku ji gul û çîçekan nektar û polenan kom dikin, vedigerin kewara xwe.

Mêşvan Hasan Kiliç got ku ev hefteyek e mêşan berî xwezayê dane û wiha dewam kir: "Her sal vê çaxê, mêş dest bi çêkirina hingiv çêdikin. Mêş ji çîçekên nû vebûne nektar û polenê komdikin û tînin kewarê, li vir hingiv çêdikin. Mêşvanî karekî xweş e. Ev 5-6 salin mêşvaniyê dikim. Em li mêşên hingiv û meziyeta wan dinêrin û şaş dibin."

Kiliç destnîşan kir ku li Şemdînliyê cureyên çîçekan zêde ne û wiha dewam kir: "Em jî bi mêşan ra dest bi xebatê dikin. Me kewar ziwa kirin û mêş neqlê kewarên nû kirin. Mehek bi şûn da em ê mêşan neqlê cihekê din bikin. Hêviya me ew e ku saleke bi bereket be. Hingivê vir navdar e, em bi tonan hingiv dişînin herêmên cuda yênTirkiyeyê. Înşallah Xwedê rizqê hemûyan bide."