Li Qers û Erdexanê hewa sar e.

Li Qersê ku germahiya hewayê bi şev 14 pile di bin sifirê da hat pîvandin, hin welatiyan wesayîtên xwe betanî û xalîçeyan nixumandin.

Li navçeya Sariqamîşê ji ber hewaya sar li ser banên avahiyan şembelîk çêbûn. Camên otomobîlan cemidîn û golên biçûk jî cemed girtin.

Ji ber berf û bagerê jî deverên geştê di bin berfê da man.

Tîmên Şaredariya Sariqamîşê girseyên berf û qeşayê yên ku li ser rêyan kom bûbûn û ji banên avahiyan ketibûn xwarê, bi kamyonan ji navçeyê derxistin.

Li Erdexanê jî hewaya sar û berf bandorê li deverên bilind dike.