Li Hîzana navçeya Bidlîsê çinîna tirî destpê kir.

Rezvaniya ku li navçeyê yek ji çavkaniya debarê ya sereke ye, bêtir li devera Akşarê tê kirin.

Gundî serê sibehê diçin nav rez û mehsûlên ku seranserê salê ked dabûnê dan hev.

Beşeke ji mehsûlê ku tê berhevkirin, weke tirî, hinek jî piştî ku dikin dims, doşav, bastêq û mewîj derdixînin bazarê.

Muxtarê gundê Akşarê Şakir Ilgaz anî ziman ku îsal hişkesaliyê bandor li rekolteyê kiriye û got, "Me dest bi danheva tirî kiriye. Li gorî par ber kêm e. Baran û şilî kêm bû. Gundî alî hevdu dikin û bi dorê diçin nav rezên hev. Tirî her çiqas deriyekî me yê debarê be jî parçeyek ji çanda me ye."