Li Erzirom, Qers, Îdir, Erdexan û Agiriyê serma û seqem

Li Erzirom, Qers, Îdir, Erdexan û Agiriyê serma û seqemê bandoreke neyênî li jiyanê kir.

Germahiya hewayê bi şev di binê sifirê da li Qersê 17, li Erdexanê 14, li Agiriyê 11, li Erziromê 8 û li Îdirê weke 3 pile hat pîvan.

Li Erziromê berfa ku ji şevê heta sibehê navber bi navber dewam kir cihê xwe ji sermayê ra hişt.

- Erdexan

Li Erdexanê berf û serma bi bandor e. Hinek deverên bajêr bi rengê sipî venuximîn, ajelên kovî li ser rûyê berfê li çêre û nêçîrê geriyan.

- Qers

Li Qers barîna berfê didome. Li bajarê ku bi berfê spî bûye ekîbên şaredariyê xebatên maliştina berfê û xwêreşandinê didomînin.

Li Sariqamîşa ku berf bi navber dibare camên wesayit û karegehan qeşa girtin.

- Agirî

Li Agiriyê berfa ku 2 roj e bi navber dibariya cihê xwe ji seqemê ra hişt. Li bajarê spî venuximandî camên wesayit û karegehan qeşa girtin.

- Îdir

Navenda bajarê Îdirê jî ji berfê spî bû. Li bajêr welatiyan qût dan çivîkên ku nedikarîn xwe têr bikin.