Li Erzirom, Erdexan, Agirî û Qersê dem demî berf dibare

ERZURUM (AA) - Li Erzirom, Erdexan, Agirî û Qersê dem demî berf û şilope dibare.

Li Erziroma ku dem demî berf û şilope dibare, li ser rê û peyarêyan qeşa çêbû.

Li ser banê xaniyan şembelûk çêbûn, wesayîtên ku berf û qeşa ket ser wan jî zirar dîtin.

- Erdexan

Li Erdexanê berf dibare.

Berfa ku bi şev dest pê kir, serê sibê jî dewam kir.

Ji ber berfê navenda bajêr çîlspî bû.

- Agirî

Li Agiriyê jî dem demî berf barî.

Li bajarê ku hewa sar e, qeşa çêbû.

- Qers

Li Qersê piştî berfa ku barî li Keleha Qersê û avahiyên dîrokî dîmenên xweş derketin holê.

Li navçeya Sariqamîşê jî berfa ku bi şev dest pê kir, dem demî barî û her der spî bû.

Piştî berfê daristanên sariçamê, wesayît û mal bi berfê nixûmîn, li ser banê xaniyan jî şembelûk çêbûn.

Welatiyan berfa li ber mal û kargehên xwe paqij kir.

Ji welatiyan Serhat Gokmen got îsal berf pir zêde ye û wiha axivî: "Beriya vê, di salên 1975an da berfeke wiha hatiye. Înşallah havîn bi bereket be."

Ekîbên Şaredariya Sariqamîşê û Midûriyeta Herêma 18emîn a Rêbejayan berf paqij kirin û xoyê reşandin.

Li navçeya Akyakayê jî berf barî.