Edeta Hezretî Îbrahîm didomînin
Li Şanliurfayê ji bo kesên ku nikarin herin ser sifreyên fitarê xwarinê datînên malên wan.
Şanlıurfa
ŞANLIURFA
Li Şanliurfayê ji bo kesên ku nikarin herin ser sifreyên fitarê xwarinê datînên malên wan.
Yekeya Xizmeta Fitarê ya Malan a Şaredariya Xelîliyeyê di seranserê remezanê da beriya fitarê 4 cure xwarinê li 500 malbatên li navçeyê belav dike.
Ekîb her roj welatiyan ziyaret dikin, pirsgirêkên wan guhdarî dikin û bi hewcedariyên wan ra eleqedar dibin.
Fevzî Demîrkolê Şaredarê Xelîliyêye daxuyanî da nûçegihanê AAyê û diyar kir ku li Şanliurfayê remezan bi çoş û kêf derbas dibe.
Demirkol got ku gelê Şanliurfayê ensar e, ji bo bi sedan hezarî kesên ji şerê navxweyî yê Sûriyeyê revîn û xwe sipartin Tirkiyeyê malxwedîtiyê dike.
Demirkol got şaredariya wan di her mijarî da alîkariyê dide malbatên hewcedar û ji bo kesên tengasiyên wan hene û nikarin herin ser sifreyên fitarê jî her roj xawrinê li malên wan belav dikin.
Demirkol destnîşan kir ku her roj xwarinê dibin malên 500 welatiyî û wiha pê da çû:
"Armanca me ew e ku kevneşopiya xwe bidomînin û li hewcedaran xwedî derkevin, qeyda kesên hewcedar bigrin û xwarinê li wan belav bikin. Hemd ji Xwedê ra sifreya me 30 rojên remezanê ji bo gelê me vekiriye. Me ji vir 4 sal berê dest bi bernameyên remezanê kiribû û em hê jî didomînin. Em di rojê da xwarinê didin 500 kesên ku nikarin werin ser sifreyên fitarê. Ekîbên me beriya meleyê mexrebê azan bide malbatan ziyaret dikin û xwarina wan didin wan. Ev edet ji heyama Hezretî Îbrahîm maye û em jî didomînin."