Ekîbên Midûriya Çandinî û Daristanê ya Bajêr tenduristiya heywanan kontrol dikin û piştî pesendkirina wan heywan li kamyonan tên barkirin û Stenbol, Bursa, Diyarbekir û Mêrsîn di serî da ji bajarên curbecur ra tên şandin.
Midûrê Bajêr ê Çandinî û Daristanê Necattîn Gonç ji rojnamegeran ra got ku ji bo pêşîlêgirtina nexweşiyên heywanan û sewqkirinên bêkontrol, kontrol hatin zêdekirin, seranserê eydê 16 beytar wê wezîfedar bin.
Gonç got, "Em li bendê ne ku li Mûşê nêzî 3 hezar dewar û 9 hezar pez wekî qurban werin serjêkirin. Li gor texmîna me nêzî 50 hezar dewar û pez jî werin sewqkirin."
Erdal Yalvariciyê ku li gundê Muratgorenê yê li ser navendê rêncberiyê dike jî wiha got: "Me di 2017an da bi piştgiriya Saziya Piştgitiyê ya Çandinî û Pêşketina Gundewaran dezgeh ava kir. Dewarên ku me xwedî kirin û kîloya wan di navbera 400 û 900î da ne, herî zêde ji Stenbolê ra hatin şandin, me heta niha nêzî 100 heywanî sewq kirin, em ê dora 150 heywanî jî peyderpey bişînin."
