Serokdewletê Filistînê Ebas îstifaya Hamdallah qebûl kir

RAMALLAH

Serokdewletê Filistînê Mehmûd Ebas îstifaya hikûmeta bin serokatiya Ramî el-Hamdallah de qebûl kir.

Li gor WAFAya ajansa nûçeyan a fermî ya Filistînê Serokdewlet Ebas îstifaya hikûmeta Hamdallah qebûl kir û xwest ku heta hikûmeta nû bê avakirin Hamdallah peywira xwe bidomîne.

Piştî ku Komîteya Navendî ya Tevgera Fetîhê roja yekşemê biryara tewsiyeyê ya ji bo avakirina hikûmeta nû da Serokwezîrê Filistînê Ramî el-Hamdallah îstifaya xwe pêşkêşî Serokdewlet Mehmûd Ebas kiribû.

Piştî civîna Komîteya Navendî ya ku roja yekşemê li Ramallaha Şerîeya Rojava ya dagirkirî bi serokatiya Serokdewlet Mehmûd Ebas hat kirin daxuyaniyeke nivîskî hatibû dayîn û hatibû gotin ku ji bo avakirina hikûmeteke nû û di heman demê de ji bo ku bi komên bin banê Rêxistina Rizgariya Filistînê (RRF) re di vê mijarê de îstişare bê kirin komîteyek bê avakirin biryara tewsiyeyê hat sitandin.

RRF ji aliyê Yekîtiya Ereban û Neteweyên Yekbûyî (NY) ve wekî tekane nûnerê meşrû tê qebûlkirin. Di bin banê RRFyê de digel Fetîh û Eniya Rizgariya Gelê Filistînê (ERGF) Eniya Rizgariya Filistînê, Eniya Rizgariya Ereban û Partiya Gel a Filistînê cî digirin.

Ji sala 2007an vir ve ya ku Hemas hat birêvebiriya Xezeyê li axa Filistînê parçebûn heye. Herî dawî di çarçoveya mizakereyên li Qahireya paytextê Misrê de di 12ê cotmeha 2017an de "peymana lihevkirinê" ya ku parçebûna Filistînê xilas dike hatibû îmzekirin.