Önder Beyter
09 Tebax 2020•Rojanekirin: 10 Tebax 2020
Li Rûsyayê hejmara kesên ku bi cureya nû ya vîrusa koronayê (Kovîd-19) ketin derket 887 hezar û 536an, ya kesên mirin jî derket 14 hezar û 931ê.
Li gorî daxuyaniya Navenda Kontrol û Rêgiriyê ya Enfeksiyona Vîrusa Koronayê ya Rûsyayê, li welêt di 24 saetên dawîn da di 5 hezar û 189 kesên din da jî Kovîd-19 hat tesbîtkirin û bi vî awayî hejmara pêketiyan derket 887 hezar û 536an.
Li welêt hejmara miriyan di rojekê da 77 zêde bû û derket 14 hezar û 931ê, ya kesên baş bûn jî 3 hezar û 215 zêde bû û derket 693 hezar û 422yan.
Li paytext Moskovayê hejmara pêketiyan di 24 saetên dawîn da 689 zêde bû û derket 247 hezar û 534an, ya miriyan jî 12 zêde bû û derket 4 hezar û 572yan.
Di daxuyaniya Serwêsa Parastina Tenduristiya Însanan û Mafên Xerîdaran a Rûsyayê da hat ragihandin ku di 24 saetên dawîn da 298 hezar testên nû hatin kirin û hejmara testên ku heta niha hatin kirin jî ji 30 milyon û 600 hezarî derbas bû.
