Dinya, Koronavîrus

Li dinyayê hejmara kesên ji ber Kovîd-19ê tên tedawîkirin ji 3 milyonî derbas bû

Abdullah Tel  | 30.05.2020 - Rojanekırın : 31.05.2020
Li dinyayê hejmara kesên ji ber Kovîd-19ê tên tedawîkirin ji 3 milyonî derbas bû

Ankara

 Li seranserê dinyayê hejmara kesên ji ber şewba vîrusa koronayê ya nû (Kovîd-19) tên tedawîkirin ji 3 milyonî derbas bû.

Li gor agahiyên malpera "Worldometer"ê ku agahiyên der barê Kovîd-19ê da berhev dike li seranserê dinyayê awayekî tespîtkirî bi 3 milyon û 278 kesan ra şewba Kovîd-19ê heye û ji bo başbûnê ew tên tedawîkirin.

Ji nexweşên şewba Kovîd-19ê bi wan geriyaye rewşa 2 milyon û 946 hezar û 550 kesî giran nîne û ew li ser piya ne lê rewşa 53 hezar û 728 kesan giran e.

Zêdebûna hejmara nexweşên ji ber Kovîd-19ê li ser pergala tenduristiyê ya welatan dibe barekî giran.

Di nav welatên ku pêketiyên Kovîd-19ê tên tedawîkirin da Amerîka bi milyonek û 168 hezar û 931 kesî va di rêza ewil da ye. Li Brezîlyayê 245 hezar û 96, li Rûsya 90 hezar û 318 li Fransayê 85 hezar û 884, li Hindistanê 81 hezar û 264, li Peru 61 hezar û 565, li Spanyayê 51 hezar û 96, li Şîliyê jî 46 hezar û 175 kes li nexweşxaneyan tên tedawîkirin.

- Li Tirkiyeyê hejmara pêketiyên ji ber Kovîd-19ê li nexweşxaneyan tên tedawîkirin dadikeve

Li Tirkiyeyê di meha Nîsanê da hejmara pêketiyên Kovîd-19ê yên ku baş bûn ji 24ê Nîsanê vir va ji waqieyên nû derbas bû. Di 24ê Nîsanê da waqieyên tedawiya wan dewam dikir 80 hezar û 575 kes bûn û ev jimar di 30yê Gulanê da daket 31 hezar û 668an.

Şewba Kovîd-19ê ya li Wuhana bajarê Çînê derket li dinyayê ji 200î zêdetir herêm û dewletan belav bû.

Li seranserê dinyayê hejmara kesên bi şewba Kovîd-19ê ketine ji 6 milyonî derbas bû û heta niha ji 360 hezarî zêdetir kes jî mirin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.