Haydar Şahin
05 Tîrmeh 2019•Rojanekirin: 06 Tîrmeh 2019
Li perava Bahamayên Karayîpan firokeyek ket xwarê û 7 kes mirin.
Di daxuyaniya polêsên Bahamayan da hat diyarkirin ku firokeya 7 welatiyên Amerîkayê dibir Florîdaya eyaleta Amerîkayê piştî ku ji girava Grand Cayê rabû demekê şûnda ji radarê derket.
Rayedaran û gelê herêmê tesbît kirin ku firoke 3 kîlomêtre dûrî giravê ket xwarê.
Polêsan diyar kirin ku 4 jin û 3 mêrên di firokeyê da mirin.
Sedema qezayê hê nayê zanîn û li ser qezayê lêpirsîn dan destpêkirin.
Rojnameya "The Register-Herald"ê ya li Vîrjînyaya Rojava ya eyaleta Amerîkayê weşanê dike destnîşan kir ku Chrîs Clîneyê karsazê wekî "xêrxwaz", "qralê komirê" û "veberhênerê milyarder ê sektora madenê" tê zanîn jî di firokeyê da bû û mir.
