Dinya

Hilbijartina Serokomariyê ya li Tûnisê

Li Tûnisê Lutfî el-Merayhiyê namzedê Yekîtiya Gel a Komarê wê piştgiriyê bide namzedê serbixwe Qeys Seîdê ku ma tûra 2yemîn

İbrahim Atmaca  | 18.09.2019 - Rojanekırın : 18.09.2019
Hilbijartina Serokomariyê ya li Tûnisê

Tunisia

 Li Tûnisê Lutfî el-Merayhiyê namzedê Yekîtiya Gel a Komarê ji ber ku di tûra 1emîn a hilbijartina serokomariyê da têra xwe deng hilneda, diyar kir ew ê piştgiriyê bide namzedê serbixwe Qeys Seîdê ku ma tûra 2yemîn.

Merayhî li ser hesabê xwe yê Facebookê daxuyanî da û wiha got, "Di tûra duyemîn da du namzed hene. Ne pêkan e ku ez Nebîl el-Karwî hilbijêrim. Her çend ez bi projeya Qeys Seîd ne beled bim jî, ez ê piştgiriyê bidim Seîd. Ew dixwaze pergala heyî biguherîne û ji aliyê şoreşgeriyê ye."

Merayhî diyar kir ku wî di emrê xwe da tenê carekê bi Seîd ra hevdîtin kiriye.

Merayhiyê namzedê serokomariyê yê Yekîtiya Gel a Komarê, di tûra yekemîn a hilbijartinê da ji sedî 6,56 deng hildabû û bi ser neketibû.

Seyfeddîn Mexlûfê namzedê Koalîsyona Rûmetê di tûra 1emîn a hilbijartinê da ji sedî 4,3 deng hildabû, Mûnsîf el-Merzûqiyê Serokomarê Tûnisê yê berê jî ji sedî 2,9 deng hildabû. Herdu namzedan jî gotibû ku ew ê di tûra duyemîn da piştgiriyê bidin Qeys Seîd.

- Encamên hilbijartina tûra 1emîn a Serokomariya Tûnisê

Namzedê serbixwe û profesorê qanûna bingehîn Qeys Seîd di hilbijartina serokomariyê da ji sedî 18,4 deng hilda. Nebîl Qarwiyê patronê medyayê jî ji sedî 15, 6 deng hilda û hatibû diyarkirin ku herdu namzed dimînin tûra duyemîn.

Tûnis wê di 6ê cotmehê da jî seba hilbijartina parlamenteriyê here ser sandoqê.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.