Filistîniyê ku bi destê eskerên Îsraîlê hat birîndarkirin şehîd bû

Filistîniyê ku di xwepêşandanên "Meşa Vegera Mezin" a li Xezeyê da bi guleya eskerên Îsraîlê birîndar bûbû, şehîd bû.

Li gorî daxuyaniya nivîskî ya Wezareta Tenduristiyê ya Filistînê ya li Xezeyê, Bisam Samî (22) ku li bajarê Xan Yûnisa li başûrê Xezeyê di 22yê sibatê da piştî midaxaleya eskerên Îsraîlê ya dijî xwepêşandanê bi guleyên eskerên Îsraîlê birîndar bûbû, şehîd bû.

Filistînî ji 30ê Adara 2018an vir va li ser sînorê Xezeya dorpêçkirî yê aliyê Îsraîlê bi navê "Meşa Vegera Mezin" xwepêşandanên aştiyane li dar dixin.

Eskerên Îsraîlê jî bi fîşengên rasteqîn gule berdidin gelê sivîl ku dixwazin vegerin ser cih û warê xwe û herwiha dixwazin dorpêça dereqanûnî ya li ser Xezeyê were rakirin.

Di midaxaleyên eskerên Îsraîlê yên xwepêşandanên ku ji 30ê adarê vir va didomin da ji 230î zêdetir Filistînî şehîd bûn.