Dinya

Di erdheja li Endonezyayê da hejmara miriyan derket 81ê

Önder Beyter   | 18.01.2021
Di erdheja li Endonezyayê da hejmara miriyan derket 81ê

Jakarta Raya

 Hat ragihandin, hejmara kesên di erdheja ku 15ê rêbendanê li bajarê Majene yê eyaleta Sulawesiya Rojava ya Endonezyayê da mirin, derket 81ê.

Di daxuyaniya nivîskî ya Navenda Zanyarî û Ragihandinê ya Ajansa Birêvabirina Afatê ya Neteweyî da hat destnîşankirin, di xebatên lêgerîn û xilaskirinê da cesedên 8 kesên din jî hatin dîtin û bi vî awayî 70 li herêma Mamujuyê û 11 jê jî li Majeneyê bi tevahî 81 kes di erdhejê da mirin.

Di daxuyaniyê da hat balkişandin ku li herêmê xesar gihîşt bi qasî 200 avahiyî û her wiha di avahiyên hilweşiyayî da xebatên lêgerîn û xilaskirinê didomin.

Peywirdaran duh ragihandibû, 253 kesên ku di erdhejê da bi giranî birîndar bûn, tedawiya wan li nexweşxaneyan didome û her wisa 28 hezar kesên ku ji ber erdhejê hatin texliyekirin jî li 25 ciyên cuda û ewle hatin bicihkirin.




Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın