Li Adiyemana ku yek ji giringtirîn navendên hilberîna hineran e li Herêma Başûrê Rojhilatê Anadoluyê, di nava 5 salên dawîn da qada hilberîna hinaran fireh bû û rekolte zêde bû.

Li gorî daneyên ku nûçegihanê AAyê ji daneyên Rêveberiya Parêzgehê ya Çandinî Daristanan û TUÎKê berhev kir, li bajêr di 15 hezar û 350 dekar erdê da, 38 hezar û 470 ton hinar hatin hilberandin.

Qada hilberînê di sala 2022yan da derket 18 hezar û 240 dekarî, rekolte jî derket 43 hezar û 987 tonan. Di sala 2023yan da ji 19 hezar û 318 dekarî, 43 hezar û 159 ton rekolte, di sala 2024an da jî ji 19 hezar û 255 dekarî, 44 hezar û 611 ton rekolte hat bidestxitin.

Di sezona 2025an da jî tê çaverêkirin ji 19 hezar û 547 dekarî, 45 hezar û 474 ton rekolte bê bidestxistin. Bi vê ra tê payîn di nava 5 salan da di warê qada hilberînê da ji sedî 27, di rekolteyê da jî ji sedî 18, zêdebûn çêbibe.

Baxçeyên hinaran bêhtir li gundên ser bi navçeyên Gext, Semsat û Gergerê hene. Bi taybet li Semsatê hilberîna ku di sala 2021ê da 12 hezar û 145 ton bû vê sezonê bigihêje 16 hezar û 200 tonan.

Piştgiriyên ji bo şitlên çandinî û daristanê yên ji hêla Rêveberiya Çandinî û Daristanan a Parêzgehê, Walîtiya Adiyemanê û Îdareya Taybet a Parêzgehê va hatine dayîn di zêdekirina qada hilberînê da bi bandor bûne. Ew rastiya ku piraniya baxçeyên hinaran li deverên avdanê yên li dora Bendava Ataturkê ne, di rekolteyê da jî îstiqrar peyda kir.

Rêveberê Çandinî û Daristanan ê Parêzgehê Abdulkadîr Akkan ji nûçegihanê AAyê ra got ku pergalên avdanê yên nûjen û şert û mercên avhewayê yên guncaw bandoreke erênî li ser hilberînê dikin û got, "Hemû baxçeyên me yên hinaran li deverên avdanê ne. Ev yek hem ji hêla kalîte û hem jî ji hêla berhemê va îstîqrarê misoger dike."

Zeynal Karasuyê hilberînerê hinaran jî got ku di salên dawî da gelek cotkarên bajêr berê xwe dane çandina hinaran.