АНКАРА (АА) - Продолжуваат подготовките за историското отворање на новиот објект на Претседателскиот симфониски оркестар (CSO) на 3 декември, што ќе биде еден од водечките музички центри на светските метрополи, јавува Агенција Анадолија (АА).
Зградата со своите ресторани и музеи ќе стане место за средби на љубителите на културата и уметноста.
Музичкиот кампус е составен од „Голема сала“ со вкупен капацитет од 2023 места, „Сина сала“ со капацитет од 500 места и „Историска сала на Претседателскиот симфониски оркестар“ со капацитет од 600 луѓе.
Темелите на зградата се ставени пред 23 години, но нејзината изградба не можеше да се заврши со години. Со иницијативата на претседателот Реџеп Таип Ердоган и интензивната работа на министерот за култура и туризам, Мехмет Нури Ерсој, зградата на Претседателскиот симфониски оркестар (CSO) е подготвена за отворање. Моментално се прават последните финални подготовки.
Озгур Балкиз, директорот на Претседателскиот симфониски оркестар (CSO), за Агенција Анадолија ги отвори вратите на новиот објект.
Директорот Балкиз истакна дека една од најважните пресвртни точки во историјата на оркестарот, кој има историја од 194 години, е отворањето на новата зграда.
Наведувајќи дека музичките уметници се возбудени поради салата, што ќе биде една од најголемите концертни сали во светот, Балкиз рече:
„По отворањето на новата зграда ќе имаме многу поинаква визија за концерти. Салата е тркалезна и акустична. Не е дигитален пример за сала направена во Јапонија и другите светски земји напредни во технологијата. Салата работи во природна акустична средина. Салата е со капацитет од 2023 места. Мислиме дека со текот на времето 2023 места нема да бидат доволни. Бидејќи љубителите на музиката имаат голем интерес за нашата сала.“
Потсетувајќи дека новата зграда ќе биде отворена од страна на претседателот Ердоган, Балкиз нагласи: „Местото е изградено по негова иницијатива. На отворањето ќе учествуваат и министерот за култура и туризам и заменик-министрите. Ќе биде многу убаво историско отворање.“
- На концертот ќе учествуваат и млади уметници -
Балкиз наведе дека светски познатиот канал за класична музика „Мецо“ („Mezzo“) ќе ги снима гала-концертите на 3 и 4 декември и дека концертните снимки ќе им бидат презентирани на љубителите на уметноста во следните 5 години во одредени периоди.
Истакнувајќи дека на концертот што ќе се одржи на 3 и 4 декември ќе учествуваат светска познатата уметничка Анџела Георгиу и браќата Ѓухер и Сухер Пекинел, кои се меѓу најдобрите дуети во светот, Балкиз рече дека Претседателскиот симфониски оркестар (CSO) подготвил ексклузивна програма што ќе трае 1,5 час.
„Во нашиот оркестар се приклучија 30 млади уметници. Благодарение на нашето министерство, оркестарот уште повеќе се засили. На концерт ќе учествуваат и младиот кадар и меѓународниот кадар. Ќе биде добар концерт. Планираме новиот објект да стане меѓународен уметнички центар. Новата зграда ќе се вброи меѓу истакнатите музички центри во Берлин, Париз и Њујорк. Зградата на Претседателскиот симфониски оркестар (CSO) ќе стане иконски центар во Анкара, што ќе влезе во светската литература“, истакна Балкиз.
Посочувајќи дека на отворањето ќе бидат преземени интензивни мерки поради епидемијата на Ковид-19, тој посочи дека во салата со вкупен капацитет од 2023 лица ќе може да влезат 700 љубители на уметноста.
Наведувајќи дека посетителите ќе треба да носат маски, Балкиз додаде: „На членовите на оркестарот им е направен ПЦР-тест. ПЦР-тестот ќе се повтори и пред концертот. Правиме сè за да избегнеме ризик и за нашите оркестарски уметници и за посетителите. Преземени се сите мерки. Тоа ќе биде историски и најдобар ден за Претседателскиот симфониски оркестар (CSO). Откако ќе заврши пандемијата, мислам дека ќе организираме одлични концерти.“
