ИСТАНБУЛ (АА) - Турскиот претседател Реџеп Таип Ердоган и неговиот грузиски колега Михаил Кавелашвили денес разговараа за истрагата за падот на турскиот воен товарен авион и неодамнешните случувања, јавува Анадолу.

За време на телефонскиот разговор, Ердоган ја изрази благодарноста на Анкара до Тбилиси за соработката, соопшти Дирекцијата за комуникации на Турција на турската платформа за социјални медиуми „NSosyal“.

Од своја страна, Кавелашвили изрази сочувство до Анкара за загубата на животите на турските војници во несреќата.

Вчера, турски воен товарен авион C-130 на пат од Азербејџан се урна во Грузија.

Според турското Министерство за одбрана, авионот превезувал 20 лица, вклучувајќи го и екипажот на авионот.