Русија ги достави на Турција деловите за втората батерија од рускиот систем „S-400“

АНКАРА (АА) - Русија ја заврши и втората етапа од испораката на одбранбениот систем „S-400“ на Република Турција, пренесува Anadolu Agency (AA).

Турското Министерство за одбрана соопшти дека последните делови од втората батерија на рускиот ракетен одбранбен систем „S-400“ пристигнаа во главниот град Анкара.

Нагласувајќи дека процесот на испорака на втората батерија од „S-400“ започна на 27 август, Министерството соопшти дека нејзиниот трансфер е комплетиран денеска во воздухопловната база „Муртед“.

Доставата на опремата за првата батерија од системот беше реализирана од 12 до 25 јули.

Во моментов, во тек е инсталирањето на системот, а турскиот воен персонал се обучува за оперирање со системот. Системот се предвидува да биде оперативен во април 2020 година.