Ердоган: Регионот плаќа висока економска цена поради нападите врз Иран

Турскиот претседател Реџеп Таип Ердоган денес изјави дека регионот сега плаќа „висока економска цена“ за нападите чија цел е Иран, во период кога и војната меѓу Русија и Украина не е завршена, јавува Анадолу.

„Пред да заврши војната меѓу Русија и Украина, нашиот регион сега ја плаќа високата економска цена на нападите врз Иран“, рече Ердоган на свеченост во западниот турски град Едрене.

Тој исто така истакна дека крвопролевањето продолжува во Газа и Либан.

„Во Газа и Либан, ционистичките убијци продолжуваат да пролеваат крв, прекршувајќи го секој закон, правило и принцип“, изјави Ердоган.