Висок терорист на ЈПГ/ПКК меѓу неутрализираните во антитерористичките операции на турските сили во Сирија

АНКАРА (АА) – Висок терорист на ЈПГ/ПКК е меѓу неутрализираните терористи во антитерористичката операција во северна Сирија, соопшти денес турското Министерство за одбрана, пренесува Агенција Анадолија (АА).

Фехми Мухамед е еден од двајцата терористи кои беа неутрализирани вчера во подрачјето на операцијата „Маслинова гранка“, се наведува во соопштението на Министерството.

Мухамед е таканаречен шеф на ослободителните сили на терористичката организација во Африн.

Од 2016 година, Анкара започна три успешни антитерористички операции преку својата граница во северна Сирија со цел да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и жени и деца. ЈПГ е сириски огранок на терористичката ПКК.