Фудбалски трансфери: Керем Демирбaј премина од Баер Леверкузен во Галатасарај

ИСТАНБУЛ (АА) - Турскиот фудбалски великан Галатасарај денес соопшти дека го комплетирал трансферот и дека во своите редови го довел германскиот репрезентативец Керем Демирбaј од Баер Леверкузен, јавува Анадолу.

Раководството на истанбулските „лавови“ соопшти дека со 30-годишниот играч од средниот ред потпишале тригодишен договор, со годишна плата од еден милион евра.

Во соопштението се наведува и дека Галатасарај ќе му плати на Баер од Леверкузен и отштета за трансферот во износ од 3,7 милиони евра.

Демирбaј дојде во Леверкузен во 2019 година од Хофенхајм и во дресот на Баер одигра 149 натпревари, постигнувајќи 15 гола и 30 асистенции.