МЕНХЕНГЛАДБАХ (АА) - Полицијата во Менхенгладбах приведе повеќе од 200 навивачи во судирите пред дербито на Рајна во Бундеслигата меѓу Борусија Менхенгладбах и Келн, известува Анадолу.

Полицијата денес соопшти дека привела 205 „проблематични навивачи“ - 31 навивач на Келн и 74 домашни навивачи - по насилните судири пред стадионот каде приврзаниците на Менхенгладбах подготвувале кореографија за денешниот натпревар.

Повредени се тројца полицајци, од кои еден не можел да продолжи со својата должност, соопшти полицијата.

Полицијата повикала засилување и употребила солзавец и палки за да ги раздвои двете групи.

„Полицијата меѓу другото покрена истрага за прекршување на законот за експлозиви, сериозно нарушување на мирот“, се вели во соопштението на полицијата.