Баждаревиќ по објавувањето на списокот: Сакаме да ја завршиме работата и да отидеме на Европско првенство

Мехмед Баждаревиќ, селекторот на најдобрата бх. фудбалска селекција, по објавувањето на списокот од 28 играчи за двомечот против Ирска во баражот за ЕУРО 2016 истакна дека тој и неговата екипа сакаат да ја завршат работата на најдобар начин, со заминување на завршниот турнир во Франција, јавува Anadolu Agency (AA).

Популарниот Меша кажа дека на списокот се наоѓаат 24 играчи, меѓу кои е за прв пат и играчот на Емполи Раде Круниќ, три голмани и суспендираниот Мухамед Бешиќ, кој не може да конкурира за составот поради црвен картон. Баждаревиќ кажа дека за време на подготовките кои почнуваат на 9. ноември во Зеница, ќе настојува да го скрати списокот.
Некогашниот фудбалски ас кажа дека не смеат да го занемарат фактот дека Ирска се бори со голем број на повредени играчи. “Знаеме дека како нацина се полни со желба и упорни и нема да ни биде лесно. Имаат алтернатива за повредените играчи така да на тоа не се ослонувам", истакна Баждаревиќ.

Првиот натпревар од баражот со Ирска е на распоред за Зеница на 13. ноември, а реваншот е закажан за три дена подоцна во Даблин.