Ekip
13 Јуни 2022•Ажурирај: 14 Јуни 2022
ЖЕНЕВА (АА) - Истакнувајќи ги ужасите и ризиците од војната во Украина, шефицата за човекови права на ОН предупреди на глобалните кризи со храна, гориво и финансиски средства со кои милиони лица се во ризик да бидат втурнати во несигурност и сиромаштија со храна, јавува Агенција Анадолија (АА).
Говорејќи на церемонијата за отворањето на 50. Совет за човекови права, Мишел Бачелет рече: „Војната во Украина продолжува да уништува животи на многумина, предизвикувајќи хаос и уништување.“
„Ужасите нанесени врз цивилното население ќе остават свој неизбришлив белег, вклучително и на генерациите што доаѓаат“, нагласи Бачелет.
Таа рече дека социјалните, економските и политичките последици на војната брануваат низ регионот околу Украина и на глобално ниво, без крај на повидок.
Бачелет рече дека 1,2 милијарди луѓе живеат во земји сериозно изложени и ранливи на сите три димензии: финансии, храна и енергија, истовремено.
„Светската програма за храна проценува дека се очекува бројот на сериозно небезбедни луѓе со храна да порасне од 276 милиони на почетокот на 2022 година на 323 милиони“, рече шефицата за права.
Таа ја цитираше Групата за глобални кризи и одговор на ОН, велејќи дека комбинацијата од повисоки цени на храната и енергијата, растечката инфлација, извозните ограничувања и заострувањето на финансиските услови ќе бидат поразителни, особено за најранливите.
„Нееднаквостите меѓу и внатре во земјите вртоглаво растат, се закануваат на закрепнувањата од Ковид-19, го поткопуваат напредокот во спроведувањето на Целите за одржлив развој на ОН (SDGs) и ја забавуваат климатската акција“, истакна Бачелет.
„Соочени со овие повеќекратни и меѓусебни предизвици и зголемените глобални тензии, многу луѓе што ги среќавам се сомневаат во сопствената иднина, иднината на нивните општества и на нашиот свет“, додаде таа.
