Шестмина повредени во експлозија во хемиска фабрика во Источна Франција

ИСТАНБУЛ (АА) - Шестмина работници беа повредени доцна синоќа по експлозија во хемиска фабрика во општината Сен-Фон во Лион во Источна Франција, соопшти обвинителството на Лион за радиодифузерот БФМТВ денес, јавува Анадолу.

Во експлозијата во хемиската фабрика „Елкем Силиконес“ во Сен-Фон беа повредени шестмина вработени, а тројца од нив се во сериозна состојба со тешки изгореници.

Според извештаите, отворена е истрага за „ненамерни повреди предизвикани од правно лице што резултирале со неспособност подолга од три месеци“.

Обвинителството истакна дека специјализираниот оддел за организиран криминал и Одделот за вработување, труд и солидарност заеднички се задолжени да ги утврдат причините и околностите за експлозијата.