Serdar Bıtmez,Gülşen Topçu
29 Октомври 2022•Ажурирај: 30 Октомври 2022
ДОХА (АА) - Шест згради кои се обележја на главниот град на Катар беа осветлени во боите на турското знаме доцна синоќа по повод 99-годишнината од основањето на Република Туркије, јавува Агенција Анадолија (АА).
Кулите близначки Ал Џабер, кулата Торч, хотелот „Шератон“, болницата „Вју“, зградата 2022 и кулата „The e18hteen“ во Доха беа осветлени во црвено-бела боја неколку часа пред настапувањето на 29 Октомври, Денот на Република Туркије.
На зградите беа прикажани фотографии од турскиот претседател Реџеп Таип Ердоган и емирот на Катар, шеикот Тамим бин Хамад ал-Тани.
Турскиот амбасадор во Катар, Мустафа Ѓоксу, преку АА, им се заблагодари на катарските власти и на народот за одбележувањето на 99-годишнината на Република Туркије.
Денот на Републиката е државен празник во Туркије на кој се одбележува прогласувањето на Република Туркије на 29 октомври 1923 година, од страна на нејзиниот основач, Мустафа Кемал Ататурк.
