Чамец со 160 мигранти се запали во Ла Манш

Гумен чамец со 160 мигранти се запали при обид да го премине Ла Манш, објавија британските медиуми, пренесува Анадолу.

Британската крајбрежна стража потврди дека чамецот се запалил додека сè уште се наоѓал во француски територијални води.

При инцидентот реагирале француските тимови за пребарување и спасување, Британската крајбрежна стража и Кралската национална институција за спасувачки чамци (RNLI), објави „Телеграф“.