Франција ја исклучува можноста за испраќање трупи на Гренланд поради желбата на САД за анексија на островот

ПАРИЗ (АА) - Франција денес ја отфрли можноста за испраќање воени трупи на Гренланд, најголемиот остров во светот и автономна територија, со самоуправа и свој Парламент, во рамките на Кралството Данска, јавува Анадолу.

Говорејќи на неделниот брифинг за новинарите на Министерството за надворешни работи, портпаролот Кристоф Лемоан одговори на прашањето на Анадолу, велејќи дека принципот на неповредливост на границите и суверенитетот останува на сила во Европа.

Тој понатаму истакна дека францускиот претседател Емануел Макрон и министерот за надворешни работи Жан-Ноел Баро го повториле овој принцип на нивните дански колеги за време на нивната посета на Париз претходно оваа недела.

„Испраќање (воени) трупи не доаѓа предвид“, рече тој. „Единственото нешто е да се потврди обврската за почитување на границите и националниот суверенитет.“

Француските изјави дојдоа во време кога американскиот претседател Доналд Трамп јасно ја кажа својата намера за преземање на територијата под контрола на неговата земја.