Emin İleri
05 Јануари 2019•Ажурирај: 06 Јануари 2019
ИСТАНБУЛ (АА) - Екуменскиот патријарх Вартоломеј, на церемонија на која беше присутен и украинскиот претседател Петро Порошенко, го врачи декретот кој ќе ѝ овозможи автокефалност на Украинската православна црква, јавува Anadolu Agency (AA).
Порошенко, заедно со неговото семејство, и архиепископот на Украинската православна црква, Епифаниј, учествуваат на литургијата одржана во Екуменската патријаршија во Истанбул.
Екуменскиот патријарх Вартоломеј, по литургијата на архиепископот на Украинската православна црква, Епифаниј, му го врачи декретот наречен „Томос“, кој ќе ѝ овозможи автокефалност на Украинската православна црква.
Екуменската патријаршија на 11 октомври донесе одлука за прифаќање на барањето на Украинската православна црква за автокефалност од Руската православна црква во Москва.
Во катедралата „Света Софија“ во украинскиот главен град Киев, на состанокот на кој учествуваат претставниците на Православната црква при Киевската патријаршија, независната Православна црква на Украина, и Православната црква при Московската патријаршија, кој се одржа на 15 декември минатата година, беше формирана нова обединета независна Православна црква на Украина.
