Телефонски разговор Шолц-Бајден, по посетата на Шолц на Кина

БЕРЛИН (АА) - Германскиот канцелар Олаф Шолц синоќа оствари телефонски разговор со американскиот претседател Џо Бајден, пренесува Агенција Анадолија (АА).

Информацијата преку соопштение ја потврди Кабинетот на канцеларот на Германија.

Во соопштението се вели дека Шолц и Бајден размениле мислења за посетата на Шолц на Кина и за состојбата во Украина.

Според соопштението, Шолц го информрал Бајден за неговата посета во Пекинг, а двајцата лидери го поздравиле јасниот став на кинескиот претседател Си Ѓинпинг против употребата на нуклеарно оружје.

Се наведува дека Бајден и Шолц го осудиле тоа што Русија продолжува да ја бомбардира цивилната инфраструктура во Украина.

Двајцата лидери ја повториле нивната посветеност за продолжување на поддршката за Украина.