Русија тврди дека напредува во украинските региони Доњецк и Суми

ИСТАНБУЛ (АА) - Русија денес соопшти дека нејзините трупи ја презеле контролата врз уште две населени места во источна и североисточна Украина како дел од нејзината тековна воена кампања, пренесува Анадолу.

Според руското Министерство за одбрана, воената единица „Исток“ го зазела селото Новопил во источниот регион Донецк, додека единицата „Север“ ја презела контролата врз Водолахи во североисточниот регион Суми.

Москва ги зголемува своите тврдења за напредок на бојното поле во последните месеци, особено во Донецк, каде што ги фокусираше поголемиот дел од своите офанзивни напори.

Министерството вчера објави дека неговите сили ја презеле контролата врз 13 населени места во Украина во текот на изминатата недела, со голем напредок во регионите Донецк, Суми и Харков.

Нема непосреден одговор од украинските власти, а независната верификација на руските тврдења останува тешка поради обемот и флуидноста на борбите на линиите на фронтот.