Романците гласаат во вториот круг од претседателските избори во земјата

АТИНА (АА) - Романците денес гласаат во вториот круг од претседателските избори во земјата, по првиот круг кој се одржа на 4 мај, во кој ниту еден кандидат не успеа да обезбеди мнозинство гласови, јавува Анадолу.

Изборната трка се одвива меѓу кандидатот на крајната десница Џорџ Симион, кој освои неочекувана, но сепак убедлива победа, со 40,96% освоени гласови во првиот круг, и центристичкиот, прозападен градоначалник на главниот град, Никусор Дан, кој беше втор со 20,96% освоени гласови.

Откако Дан ја прошири својата изборна база со опфаќање на образованите, урбаните сегменти од општеството, со помош на големите медиуми и европските центристички лидери, анкетите на јавното мислење предвидуваат многу тесна трка со Симион.

Се очекува податоците за излезноста да бидат објавени штом се затворат гласачките места во 21 часот по локално време.