Ekipa
18 Февруари 2025•Ажурирај: 19 Февруари 2025
ГАЗА (AA) - Палестинка, чиј дом е целосно уништен во воздушните напади на Израел врз Појасот Газа, постави импровизиран шатор врз урнатините на својата уништена куќа, јавува Анадолу.
Шукие Хидир се обидува повторно да изгради живот за своето семејство среде пустошот во населбата Зејтун.
„Не знаевме каде да одиме“, рече Шукие со исцрпен и глас полн со тага. „Немаше училишта или некој што би можел да ни помогне да најдеме засолниште. Рековме: 'Единствено место што остана е нашата куќа.' Затоа дојдовме и тука поставивме шатор.“
Таа мора да се грижи за своите седум деца во шаторот без никакви резерви на храна, вода, па дури ни постелнина.
Шукие и нејзиното семејство се борат да останат живи под сè полошите услови, секој ден носи нови искушенија за нив. Студот, недостигот на чиста вода, храна и медицински материјали ги зголемија страдањата што тие ги трпат.
Тие се само едно од безброј семејства во Газа што ја доживуваат хуманитарната криза, дополнета со зголемениот недостиг дури и на најосновните нешта.
Договорот за прекин на огнот е на сила во Газа од 19 јануари, со кој се запре геноцидната војна во Израел, во која се убиени речиси 48.300 Палестинци, повеќето жени и деца, а која ја остави енклавата во урнатини.
Деветнаесет израелски заробеници и пет тајландски работници се ослободени во замена за 1.135 палестински затвореници во рамките на првата фаза од договорот за Газа што стапи на сила на 19 јануари.
Во ноември Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел се соочува и со случај за геноцид пред Меѓународниот суд на правдата за неговите постапки во енклавата.
