ИСТАНБУЛ (АА) – Огромен пожар во централна Индонезија уништи десетици згради, вклучувајќи училишта и домови, соопштија официјални лица денес, јавува Анадолу.

Прелиминарните информации покажуваат дека вкупно 17 згради, вклучувајќи две училишта, биле изгорени во покраината Централен Калимантан, според државната телевизија „Антара њуз“.

Властите соопштија дека пожарот бил предизвикан од краток спој во електричната инсталација. Пожарот се проширил брзо, зафаќајќи десетици блиски објекти.

Владата моментално бара алтернативни локации за да им обезбеди на учениците можност да го продолжат своето образование по уништувањето на двете училишта.

Официјалните лица, исто така, изјавија дека се поставуваат засолништа за евакуација и јавни кујни, а на погодените од пожарот им се дели облека.