Најмалку петмина загинати, 87 исчезнати во пожар на траект на Филипини

Најмалку пет лица загинаа, а 87 се водат како исчезнати откако избувна пожар на траект во близина на брегот на филипинската провинција Палаван, популарна туристичка дестинација, објави денес новинската агенција Синхуа, повикувајќи се на локалната Крајбрежна стража, пренесува Анадолу.

Според локалниот медиум „Палаван њуз“, бродот „МВ Џун Астер“ превезувал 117 патници и 17 членови на екипажот кога се случил инцидентот.

Портпаролката на Филипинската крајбрежна стража, комодор Ноеми Кајабјаб, изјави дека се спасени 42 лица, се наведува во соопштението објавено на Фејсбук. Таа додаде дека операциите за пребарување и спасување се во тек.

Крајбрежната стража испрати тимови за интервенција откако доби јавувања за пожар на бродот „МВ Џун Астер“ во водите на околу 1,2 наутички милји (2,2 километри) североисточно од Барангај Марсила во Корон, Палаван.

Надлежните органи ги утврдуваат причините за пожарот.